MOVED.

寫在前面: 暫時只放 Youtube account. 其他 platform 有心搵就搵到.

https://www.youtube.com/channel/UCXxqbC2Z5vwWpHpRLtzTCLw

應該係呢度最後一篇文.

初頭只係延續 xanga 打 blog (出氣袋) 用.

之後轉咗嚮 Facebook 打文, 亦加入咗大量圈子, 一早就冇再嚮度打字.

多年後咁啱搵到有人嚮度打超級長文 (7 個月整一張顯卡) 先路過一下.

以後都應該唔會, 亦希望唔會.

雖然一啲都 "唔自由", 但只有 FB 先有 "公開討論" 嘅能力. 

其他地方, 包括呢度, 全部嘅 community size 都好有限.

Twitter / IG / Blogger 完全冇社群功能. 我有 "偉論" 都唔會有人睇到.

Discord, MeWe, Telegram, 某啲 forum 一係過於被動, 要人專登 search 先有, 一係就焗限於議題炒作, 用戶都無心於公開發言.

好彩 FB 嚮 "考古" 方面, 一直都冇 time search 功能, 我唔太需要自己 N 年前嘅中二發言 (你望下呢度).

非常之理想嘅話, 可能會有 API 自動駁曬 social platform 掛, 咁我一 share 打機 / 整件 / 無聊 post 都可以自動傳上泥. 可惜冇. 我亦唔想曬成個月去寫.

至於啲 "敏感議題", 除非 "變咗做內聯網" 啦, 唔係我大概都唔需要兜咁大個圈, 學某個人嚮度打文, 尤其是佢都消失咗. 

好多人好有心機搞 IT / AI 嘢, 我撈緊, 亦讀緊, 但我寧願識多兩個朋友, 操 FIT 個身子, 訓好啲, 都唔想好似以前咁打啲連我自己都唔想睇番嘅嘢. 我享受唔到嗰種 "freedom".

萬一變咗做 "內聯網" 嘅話, 我亦都唔會放心再用呢個 account 講嘢. 可能會用另一個名掛 (同期我有一個名一直都冇用. 似是而非嘅名仲有好多, 亦唔會有咩 "線索" 可以聯想到我, 用 NLP 查啲語調都唔會可行得去邊 ).

至於 "技術細節", 講真, 大路嘢就好夠. 呢樣唔係技術考量, 而係 Web 2.0 真係咁樣運作 ( 3.0 嗰啲咪留俾 Meta 發下夢, 對我泥講都係 Facebook 有用 ). 你打聽到嘅, 有人 open source 嘅, 自然就有人討論, 有人認可, 同一個 "有用嘅嘢" 相差唔遠. Bitcoin / Tor 同 ETH / V2Ray 呢啲都夠曬經典. 好似好唔 update, 但用得好都係輕鬆過日子. 搏奕上就只係 "Guess 2/3 of the average" 嘅變種. 就如人類文明嘅發展, 多想 "一步" 就夠嚮大局中生存落去. "一步" 就夠了. 唔係嘅話, 認知一有偏差, 下個 "幸存者偏差" 嘅受害者就係你.

 所以, 完. 訓覺. 聽晚仲要考 final.